Sut i Wneud Cais

P’un ai a ydych chi’n bwriadu astudio ar gyfer gradd baglor, meistr neu ddoethuriaeth, rydyn ni yma i’ch helpu chi i wneud y broses ymgeisio mor rhwydd â phosib. Rydym yn deall y gall meddwl am wneud cais i brifysgol fod yn gyffrous ac yn anodd.​ Ein nod yw sicrhau bod yr holl wybodaeth sydd ei hangen arnoch gyda chi er mwyn gwneud y penderfyniad hollbwysig hwnnw i wneud cais i brifysgol.  

O gyngor ar wneud cais trwy UCAS, gwneud cais yn uniongyrchol neu drwy asiant, i gynnig awgrymiadau da ar ysgrifennu datganiad personol rhagorol neu gyngor ar gefnogi ymgeisydd, rydym yma i’ch helpu. Wrth i chi ymchwilio i’r adnoddau rydyn ni wedi’u casglu at ei gilydd, byddwch chi’n dod o hyd i gamau gweithredu, awgrymiadau o lygad y ffynnon, a phrofiad uniongyrchol myfyrwyr presennol sydd wedi dewis yr un llwybr. 

Mae’n bwysig sicrhau eich bod yn rhoi cyfeiriad e-bost dilys ar eich cais er mwyn sicrhau nad ydych yn colli unrhyw negeseuon pwysig oddi wrth y Brifysgol, ac oddi wrth UCAS lle bo’n berthnasol.

Os oes gennych unrhyw anableddau neu gyflyrau iechyd, nodwch hyn ar eich ffurflen gais.​ Yna gallwn weithio gyda chi i ystyried pa gymorth ac addasiadau y gallai fod angen eu rhoi ar waith i ganiatáu i’ch astudiaethau fod yn hygyrch ac er mwyn eich galluogi i gael y gorau o’ch profiad prifysgol.