Academi Chwaraeon

Ymunwch â'r Garfan

Ydych chi’n dwlu ar chwaraeon cystadleuol? Byddwch y gorau y gallwch chi fod gydag Academi Chwaraeon Prifysgol Cymru, Casnewydd wrth i chi astudio ar gyfer eich gradd a chreu’r profiad prifysgol rydych wedi breuddwydio amdano erioed.

Ein Cyfleusterau

Myfyrwyr yn dal pêl rygbi tu allan i gampws Caerfyrddin

Ar y Campws

Mae’r Academi Chwaraeon wedi’i lleoli ar ein campws yng Nghaerfyrddin, ond os ydych chi’n astudio yn Abertawe neu Lambed, peidiwch â phoeni – byddwn yn eich helpu i fynychu sesiynau hyfforddi a gemau gyda chymorth trafnidiaeth. Rydym hefyd yn cynnal sesiynau lloeren rheolaidd ar ein campysau yng Nghaerdydd, Birmingham a Llundain, fel y gallwch chi gadw’n heini wrth astudio ar gyfer eich gradd.

Cyfleusterau o’r radd flaenaf

Cewch hyfforddiant ar lefel broffesiynol a hyfforddiant cryfder a chyflyru, yn ogystal â chyngor ar faeth, deiet a ffordd o fyw. Byddwch yn hyfforddi mewn cyfleusterau campfa newydd sbon, sy’n cynnwys yr offer diweddaraf gan Black Box, ac yn cael cyfleoedd rheolaidd i gystadlu yng nghynghreiriau, digwyddiadau a phencampwriaethau Chwaraeon Prifysgolion a Cholegau Prydain. Mae ein staff profiadol a’n swyddogion hyfforddi wrth law i’ch helpu i ffynnu, ac mae ganddyn nhw’r holl wybodaeth sydd ei angen er mwyn i chi lwyddo ym myd chwaraeon.
Pêl-droed Dynion a Menywod, Rygbi Dynion a Menywod, a Phêl-rwyd Menywod yw prif chwaraeon tîm Academi Chwaraeon PCYDDS. Ond byddwn hefyd yn eich cefnogi i fynd ar drywydd beth bynnag arall sy’n eich cyffroi, fel athletau, beicio a hyd yn oed triathlon.